Níl an cúnamh a theastaíonn uaithi faighte ag cás Maggie, páiste deich mbliana d’aois a bhfuil géarghá aici le tacaíocht mheabhairshláinte, in ainneoin gur ardaíodh an cás chomh fada siar le mí Feabhra, tá cloiste ag an Dáil.
Dúirt ceannaire Shinn Féin Mary Lou McDonald go gcaithfidh formhór mór na bpáistí a bhfuil cabhair ag teastáil uathu fanacht thart ar bhliain ar an tseirbhís a chuireann na Seirbhísí Meabhairshláinte Leanaí agus Ógánach (CAMHS) ar fáil.
Dúirt Ms McDonald leis an Dáil go bhfuil na leanaí seo agus a dteaghlaigh ag caoineadh ar chabhair agus d'iarr sí ar an Taoiseach Simon Harris deireadh a chur leis an lánchosc earcaíochta sa tseirbhís sláinte.
Dúirt an Taoiseach go gcaithfear níos mó a dhéanamh sa réimse seo agus go bhfuil i bhfad an iomarca leanaí ar liostaí feithimh CAMHS, fiú má tá na liostaí sin laghdaithe.
Tá méadú 476 ar an líon foirne meabhairshláinte sa tréimhse dhá bhliain suas go dtí mí na Nollag seo caite agus bhí an HSE ag iarraidh anois poist fholmha a líonadh, a dúirt an tUasal Harris.
