Tá cur síos déanta ag Ard-Stiúrthóir Gníomhach Sheirbhís Chustaim na gCoimisinéirí Ioncaim ar urghabháil drugaí dar luach níos mó ná €23 milliún ag Europort Ros Láir mar “an-suntasach”.
Tagann sé i ndiaidh urghabháil 783kg de channabas luibhe agus 70kg de roisín cannabais, ar luach measta díreach os cionn €16 milliún.
D'aimsigh an madra braite Jasper na drugaí inné, le cúnamh ó scanóir x-gha na gCoimisinéirí Ioncaim, tar éis d'aonad lasta gan tionlacan a stopadh agus a chuardach.
Bhí sé tuirlingthe ó bhád farantóireachta i Ros Láir i gCo. Loch Garmana sheol ó Bilbao sa Spáinn.
I mbrath drugaí ar leith Déardaoin ag an gcalafort, d’urghabh oifigigh na gCoimisinéirí Ioncaim 104kg de chóicín, ar luach measta €7.2 milliún.
Mar chuid den imscrúdú ar an urghabháil cóicínghabh gardaí beirt fhear atá ina 40idí agus ina 50idí Dé hAoine.
Tá siad á gceistiú ag stáisiúin na ngardaí i gCo. Loch Garman agus i gCo Chiarraí faoi Alt 2 den Acht um Cheartas Coiriúil um Gháinneáil ar Dhrugaí.
Tharla na braiteanna tar éis comhoibríochtaí bunaithe ar fhaisnéis idir an tSeirbhís Custaim na gCoimisinéirí Ioncaim agus An Garda Síochána.
Dúirt an Coimisinéir Ioncaim, Ruth Kennedy, gur “urghabháil shuntasach dúinne iad na hiompartha”.
Dúirt sí: “Is príomhthosaíocht do na Coimisinéirí Ioncaim é an trádáil drugaí mídhleathacha a aithint, a dhíriú agus a dhíchóimeáil agus chun é sin a dhéanamh go n-úsáidfimid éagsúlacht teicnící, acmhainní agus cumas.
“Comhcheanglaímid é sin le hanailísíocht ardleibhéil, chomh maith le húsáid teicneolaíochta cosúil le scanóirí x-gha agus ár madraí braite, ar cuid lárnach dár gclár iad.”
Dúirt Ms Kennedy go n-oibríonn na Coimisinéirí Ioncaim go dlúth le comhghleacaithe idirnáisiúnta agus náisiúnta.
“Mar sin, tá roinnt agus forbairt faisnéise ríthábhachtach, ach is cur chuige riosca-bhunaithe a ghlacaimid,” a dúirt sí.
Ag labhairt di le Nuacht RTÉ ag Europort Ros Láir, dúirt an coimisinéir go bhfuil formhór mór na trádála sa chalafort dlisteanach agus dúirt sí go bhfuil “fás ollmhór” ar thrádáil ag an gcalafort ó Brexit.
“Tá méadú faoi cheathair ar na bealaí anois, ó thart ar 2019 agus i ndáiríre táimid tar éis é sin a mheaitseáil le méadú faoi cheathair ar acmhainní anseo i Ros Láir,” a dúirt sí.
“Táimid lúfar maidir leis an gcaoi a n-imscaraimid ár n-acmhainní, ár ndaoine agus ár dteicneolaíocht, agus ní mór dúinn freagairt do chomh lúfar agus atá na dronganna coiriúla freisin,” a dúirt sí.
Ach dúirt Ms Kennedy: “Athróimid ár gcuid tactics de réir mar a athraíonn siad a gcuid tactics.”
Tá imscrúduithe ar na hurghabhálacha ar siúl.
